INSTRUMENTOS, XÉNEROS E CONTEXTOS
charlas e encontros cos artistas, a música e os seus instrumentos

A actividade complementaria e didáctica do festival Ateneo Barroco formúlase co obxectivo de facilitar, dun xeito distendido e próximo, o achegamento aos artistas, aos seus instrumentos e os seus contextos, á música, a súa historia e os seus xéneros. As breves sesións contribuirán a preparar ao público para unha audición máis enriquecedora do concerto. Os protagonistas destes encontros serán os artistas do festival, músicos especialistas e profundos coñecedores das súas ferramentas de traballo, os instrumentos, dispostos a satisfacer dúbidas e curiosidades e a ilustrar e amosar as peculiaridades de instrumentos tan vencellados ao Barroco como o clave, o cornetto, a guitarra barroca, o arquilaúde, a voz e mesmo tratar temáticas e formas musicais con protagonismo neste Ateneo Barroco 2021 como os Trobadores ou a Chacona… Por mor da situación sanitaria, nesta terceira edición, estes encontros celebraranse inmediatamente antes do inicio do concerto co público xa acomodado na súa localidade.

Instrumentos, xéneros e contextos # 1
O clave, Domenico Scarlatti
ENRICO BAIANO
Paraninfo da Universidade (Facultade de Xeografía e Historia)
venres 8 outubro | 20:30

Instrumentos, xéneros e contextos # 2
Trobadores
PALOMA GUTIERREZ DEL ARROYO / MANUEL VILAS
Igrexa da Universidade
mércores 13 outubro | 20:00

Instrumentos, xéneros e contextos # 3
O cornetto
Bruce Dickey
Salón Teatro
venres 15 outubro | 20:00

Instrumentos, xéneros e contextos # 4
A chacona, Compostela
FERNANDO REYES
Teatro Principal
venres 22 outubro | 20:00